اول خطوة :- تسحب وثيقة
وتعنونها الى الجامعة الي انت تريد تقدم عليه
ثاني خطوة :- تحضر شهادات كفاءة الحاسوب والانكليزي و اللغه العربيه
تنشأ حساب جيميل
بعدها تفتح رابط التقديم https://adm.rdd.edu.iq/
وتكتب اسمك الرباعي وتكتب حساب الGmail وتدخل كلمه السر
ابقا، ء حساب الجيميل مفتوح (يعني لا تسوي تسجيل خروج)
راح تجيك رسالة على حساب ال Gmail
مكتوب بيها (تم تفعيل الاستمارة اضغط هنا)
( تحضير المستمسكات كلهن + الوثيقة + صورة خلفية بيضاء حتى ترفقها بالاستمارة الالكترونية)
وبعد ترفع الصورة بمكانها
وتبدء بادخال المعلومات
الاسم الرباعي واللقب
واسم الام والكلية والجامعة والقسم ونوع الدراسي (صباحي او مسائي) ونوع التعليم
اهلي ام حكومي&وبلد الدراسة
ومن ثم تختار قناة التقديم (عام او خاص)
او ع قنوات الشهداء.حسب الفئات
ومن ثم تختار الجامعة الي تريد تقدم عليها
وتختار الكلية وتختار القسم وتختار التخصص وراح تظهرلك عدد المقاعد العام وعدد مقاعد الخاص
وبعد ما تختار تبدء بأدخال الخلفية العلمية
وهي ( الشهادة الحاصل عليها – والمعدل – ومعدل الطالب الاول)
وتكمل بقية المعلومات
محل السكن – الزقاق والدار
والمحافظة والقضاء والناحية
ورقم الهاتف – والايميل
وترجع تتأكد من المعلومات الي دخلتهن حتى ما يكون عندك خطأ (يحقلك فتح الاستمارة مرة واحدة للتعديل)
وبعدها راح تقوم بارسال المعلومات
وراح تطلعلك شريط اخضر
مكتوب عليه (حفظ وتحميل الاستمارة) وتضغط عليه وراح تنزل الاستمارة
الى هنا تم التقديم الإلكتروني
بعدها الذهاب إلى الجامعه المتقدم عليها خلال ٣ ايام لبعض الجامعات والبعض ٧ ايام
اول خطوة بعد التقديم
تسحب ٦ صور
تستنسخ المستمسكات الاربعة ٣ نسخ
تستنسخ الوثيقة نسختين
تستنسخ التوصية كل وحدة نسختين(علما التوصية فقط العلوم الاسلامية والاقسام المناظرة لها)
استنساخ شهادات الكفاءة كل وحدة نسختين
سحب استمارة التقديم وجه وظهر بورقة واحدة ٣ نسخ
سحب استمارات (التعهد واستمارة طلب المعلومات واذا كنت من ذوي الشهداء تسحب استمارات ذوي الشهداء)
..
هسه صار عندك المستمسكات الاربعة ٣ نسخ
الوثيقة الاصلية +نسختين
شهادات الكفاءة الاصلية +نسختين
التوصيات الاصلية +نسختين
اضافة للصور
والاستمارات الي تسحبهن
استمارة ٥٠٠ و٥٠١ و٥٠٤ و٥٠٦
واذا كنت من ذوي الشهداء تسحب استمارات ذوي الشهداء